Manila Tagalog

Could this be you? Click to help!

Listen?

Translator: Dante Ferry • Featured Guest Contributor

Location: Manila (The Philippines)

Language information: [Click]

[General 1] [General 2] [Manila] [S. Metro Manila] [Nueva Écija]   

[Modern Spelling] [Baybayin Script]   

Ang Pipit

Noon, may namumugad na mayang pipit sa isang garahe. Kapwa nang nakalipad ang mga magulang na ibon – upang ikuha ng makakain ang kanilang mga inakay – kaya naiwang nag-iisa ang mga ito.

’Di nagtagal, umuwi ang amang pipit.

“Ano’ng nangyari rito?” anya. “Sino’ng nanakit sa inyo, mga anak? Takot na takot kayong lahat!”

“Naku, Tatay”, anila, “may dumating na maligno ngayon-ngayon lang. Mukha siyang napakabangis at kahindik-hindik! Pinanlisikan niya ng kanyang malalaking mata ang ating pugad. Takot na takot kami!”

“A, ganoon”, ani Amang Pipit, “saan siya nagtungo?”

“Doon po sa banda roon siya nagpunta”, anila.

“Tekayo!” ani Amang Pipit, “Susundan ko siya. Huwag na kayong mag-alala, mga anak. Lagot siya sa akin.” At lumipad na siya upang sundan ang maligno. Sa may pagliko, ’yung liyon pala ang naglalakad doon.

Hindi iyon ikinatakot ng pipit. Dumapo siya sa likod ng liyon at nagsimulang pagalitan ito. “Ano’ng pakialam mong magpunta sa bahay ko”, aniya, “at tinakot mo pa ang mga anak ko?”

Hindi siya pinansin ng liyon at nagpatuloy sa kanyang paglalakad.

Ikinainis ito ng daldalerong pipit at lalong siyang tinalakan. “Sinasabi ko lang sa iyo, wala kang karapatang pumunta roon! At kapag bumalik ka pa”, aniya, “makikita mo! Talagang ayokong gawin ito”, sabi niya at may kasama pang pagtaas ng isang binti, “nguni’t babalian kita ng gulugod sa pamamagitan ng paa ko sa isang saglit lamang!”

At lumipad na nga siyang papauwi sa kanyang pugad.

“O, hayan, mga anak”, aniya, “tinuruan ko na siya ng liksyon. Hinding-hindi na siya babalik.”