Waray-Waray of Laoang, Northern Samar

Could this be you? Click to help!

Listen?

Translator: Ananias Cahilig II

Location: Yabyaban, Laoang, Northern Samar (The Philippines)

Facilitator: Dante Ferry, Manila (The Philippines) • Featured Guest Contributor

Language information: [Click]

An Ditoy nga Maya

Sadto, mayaon mga maya nga nagsalag sa sayo’ nga garahian. Nagkagikan an kanra mga kag-anak basi’ maghanap san kanra makakaon sanglit an mga siwu’ la’ an nahibilin.

Waray pag-iha, inuli’ an kanra amay.

“Nano an nahinabo’?” ambagaw niya. “Sin-o an nagpasuol sa iyo? Gihadoki kam ngatanan!”

“Sus, Tatay!”, ambagaw nira, “May inabot nga mararat-on kanina gud la’. Gipipintasi ngan makahahadok an kanya kahimu’. Namumudlot an kanya mga mata san pagkulwi san ato’ salag. Nagkahadok kami ngatanan!”

“Balitaw?”, ambagaw san amay nga maya. “Ngain siya nagpakadto?”

“Didto dapit.”, ambagaw nira.

“Dali’ la’!”, ambagaw san kanra amay, “Kakadtuon ko siya. Ayaw kam kabaraka mga anak, mabulos kit!” Ngan nilupad na an amay nga maya basi’ hanapon an mararat-on.

Sa may nililik-an nahiabutan san amay nga maya in sayo’ nga liyon nga naglalakaw.

Waray siton kahadok an amay nga maya. Hinapon siya sa gutok san liyon ngan kanya iton pag-isgan. “Nano an im katungdanan basi’ magpakadto sa ak balay?”, ambagaw niya. “Ngan ginhadok mo pa an ak mga siwu’?”

Waray siya pamatia san liyon, diritso la’ nga naglakaw.

Nalangot an maya sanglit inungod an kanya pag-isog. “Ak la’ sa im ginsusugad waray ka katungdanan magpakadto sa ak panimalay! Ngan ‘pag bumalik ka,”, ambagaw niya kahuman alsahon an sayo’ niya nga siki’, “pero babarion ko an im gutok gamit an ak mga siki’ sin dali’ la’ nga oras!”

Dikan nilupad na siya ngan binalik na sa kanya salag.

“Adto na, mga anak,” ambagaw niya, “ak na siya gintutduan sin liksiyon. Diri’ na gud iton siya mabalik.”