Ipugaw di Hapaw-Hungduan

Tuwali Ifugao of Hapao, Hungduan

Could this be you? Click to help!

Listen?

Translation: Felimon Tayaban

Location: Hapao, Hungduan, Ifugao (The Philippines)

Facilitation: Dante Ferry, Manila (The Philippines) • Featured Guest Contributor

Language information: [Click]

Han Hamuti

Nabayag nga waday kawngan han hamuti wah ohha nga bassit an garahe. Han aman han hamuti ya timmayap nga munhadak hi kanan, han imbabalena an nabati an oh-ohha.

Aggey nabayag ya han aman han hamuti ya emmali.

“Ngan di na-at heto?” imbagan han aman han hamuti. “Ngan di nunsaktan ki dakyu, imbabalek? Ta tangan-uh ta timmakut kayu?”

“Oh Amamin Hamuti, imbagan han imbabalen hamuti, “waday emmali nga linnawa aduwanin di. Umipatpatakut di itsuran di rupana! Titigawon han mata wah han kawngan. Isu nga timmatakut kami!”

“At hidi”, imbagan han aman di hamuti, “ngan di emmayanna?”

“Hidi di bandan han emmayanna”, imbagan han imbabalen hamuti.

“Munho-od kayu hituh!” imbagan han aman di hamuti. “Unodok hiyana. Adi kayu mundanag nga imbabale. Ha-on di ukod ki hiyana.” Aggey nabayag ya timmayap ta unodona han linnawa.

Usto nga nun-ikot wah kaw-on ya tinigona han “lion” an mundowanan.
Ngem aggey timmakot han hamuti ot nunpattok wah likod han “lion” ya inlugina an bino-owan hiya. “Tangan-o ta emmali he-a wah kawngan ko ya taktakutom han imbabalek?” Aggey nundongoŕ han “lion” an mundowanan.

Permi nga bimuh-oŕ han hamuti nga kimmaruh nga muntetet. “Mi-id di karapatam an ummay hidi! Ibagak ki he-a ot adika munbangbangad hidi ta baka pay waday ma-at nga adi maphod ki he-a! Adik pinhod nga atom hituweh”, imbagan han hamuti, nga itagtageynay hukina, “baka pay putong-ok han tung-aŕ mu nga mi-id nga minutoh nu umay ka pay hidi!”

Naŕpas ya timmayap nga munbangad han aman di hamuti wah kawnganna.

“Oh, dakyu mun imbabalek ya intuduwak moh hiya adaŕna. Ot adi dakyu moh pay pataktakuton.”