Daz kuninglihhin
Daz kuninglihhin habeta sin nest in demo uuagankubisine. Eines uuarun die eltiron
beide uzgiflogan. Sie uuoltan furi iro fugililin eddesuuaz zi ezzan gihalon
inti habent die smalfogala in demo neste alles ein gilazan.
Bi deru uuilu quam der fater uuidar heimo.
Uuaz ist dar uuortan quad er. Uuer habeta iu uuih gileidigot kindilin
daz ir so irflougit sit.
Ah fater quadun sie. Dar quam midunt einiu mihhillihiu talamaska firgifaran.
Harto ginoto grimlih inti bruttilih uuas ira gihabida. Siu starita in unsaz
nest mit iren mihhillihen ougon. Bidiu birun uuir nu so irbruttit.
Aha quad der fater. Uuarot ist siu nu gifaran.
Nu quadun sie. Siu ist dara after hinan gifaran.
Bitet quad der fater. Ih uuillu iru gifolgen. Bilinnat kindilin. Ni
kurit forhten mer. Ih scal sia uuola fahan. San floug er demo bosiuuihte
ouh nah.
Saso er umbi dea ekka quam sah er dara einen leo. Der giang dara umbi.
Doh daz kuninglihhin forhta nalles. Iz floug nidar uf des leuues ruggi
inti gifiang zi skeltan. Uuaz habest du bi minemo huse zi suohhen inti mine
kleine kindilin zi brutten.
Daz merreta den leo nalles inti er giang in guotemo fram.
Ubar daz uuard daz kuoni uuigantlihhin des diu uuotigoro. Ni trofen
habest du dara zu suohhen. Daz sagom ih dir. Joh quemest du uuidar quad iz
so scalt du eddesuuaz irlidan. Ih uuillu iz ni uuiht lustlihho tuon quad
iz inti mit desiu irhuob eines sinero fuozilin. Doh uuelle ih dir mit einemo
stapfe den ruggi brehhan.
Daranah floug iz dana heimo nah demo neste.
Senu kindilin quad iz. Demo habem ih daz intuuonet. Der quimit giuuisso
niomer hera.
Frontpage
