e
Papeloze kerk is de name van een hunebed wel ebouwd is tiedens de Trechterbekercultuur.
Dizze cultuur deed zo ongeveer 4000 jaor veur Christus zien intree in Europa.
Hij drag as kenmark D49. Ie kunt hum vienden in de bossen tussen Schoonoord
en Sleen (Gemiente Coevern), in de mooie pervincie Drenthe.
De name “Papeloze karke” zul der naor
verwiezen, dat der hier in de 16e ieuw, tiedens de vervolging van de protestanten,
hageprèken wörden eholden, onder leiding van Menso Alting. Papeloos wul zeggen,
zonder paap, zonder katholieke priester. In de woorden van Calvijn: ‘une église
sans pape’. De name zul an iene of meer hageprèken in de tachtigjaorige oorlog herinnern.
Ok now tegenswoordig wördt der ien keer in ’t
jaor weer een hageprèek eholden. De leste was 22 juli jongstlèden en de veurganger
deed de dienst hielemaole
in ’t Drèens. ’t Historisch gezelschap “Die Luyden van ’t Hooge Veene” uut
Hoogeveen verzörgden de prèke.
’t Hunebed lig now in de bossen mar in de 16e
ieuw lag ’t open en bloot in ’t Ellertsveld. Ongeneugde gasten waren van ver al te zien. En veur de veiligheid, leup der tiedens de dienst
een koddebeier wacht.
’t Hunebed is in 1959 onder leiding van archeoloog
Albert van Giffen restereerd, umme de reden dat ’t toen in een hiel slechte
staot verkeerde.
Contents
e
Papeloze kerk is de name van een hunebed wel ebouwd is tiedens de 
