Ik bin Arend Victorie en ie bint allemaole van harte welkom op mien Lowlands
stee.
Der staot verhalen en riemsels op, die zo
now en dan deur mien heufd hen spoekt. Ik nuum ze daorumme dan ok: “Harsenspinsels”. Ik bin op 28 augustus 1952 geboren in een klein dörpie in de
provincie Drenthe in ’t noorden van Nederland. Momenteel woon ik in ’t Hoogeveine een stad in
Drenthe mit een inwonersaantal van zo’n 50.000.
Mien hobby’s bint;
schrieven van gedichten en körte verhalen en tenielstokken. Die tenielstokken
hebt veural
betrekking op Drentse volksverhalen en zij wordt jaorlijks bij de riegelmaot
espeuld op straotfestivals. En naost al dat schrieven bin ik ok nog regisseur
van een tweetal amateur theatergroepen in de regio. Deur dizze hobby’s bin
ik mij gaon interesseren veur de olde volkscultuur en geschiedenis die wij
hier in ’t noorden had hebt. Dus ok veur de taal, die ik zo veul a’k maor kan
gebruuk. Niet allent deur der in te schrieven, maor dat ik mij daor ok verstaonbaar
in maak. Verder bin ik zörgvrijwilliger in ’t Hospice in ’t Hoogeveine. Wat
inhold: ’t verzorgen van mèensen die in hèur leste stadium van ’t leven bint.
Ok dat gef mij een grote voldoening. En gef mij de gelègenheid umme aover ’t
leven nao te deinken.
Ik haope daj plezier
hebt in ’t lezen van mien Harsenspinsels.
Frontpage
