Arend Victorie

[To Arend Victorie’s index]

As sterren zo mooi
(Cillie Nèvelhekse)

Video: “Cilie de nevelhekse” deur No Name

Hurt hier allemaole, wat ik heb te verhalen¹
van een maagien dat woonde in ’t Hollaandscheveld.²
Heur name was Cillie van rieke familie,³
mar dat har dat maagien gieniene vertelt.
As ’s mörgens de zunne zien reis weer begunde
daansde Cillie en dreef dan de mist uut ’t veen.
Aover heide en ven klunk hèur golden stem.
Zo zingen as Cillie, dat kun der gieniene.
As sterren zo mooi. As sterren zo mooi.
Hèur ogen die straalden as sterren zo mooi.

Gien mèens mug hèur lieden en begunden te verbieden
dat ’t maagien in ’t dörp zich niet meer mug vertonen.
’t Volk begunde een hetse en nuumden hèur een hekse.
Zij kun toen mar aamper an ’t vuur nog ontkomen.
Maor een jonge edelman, die dèur de heide kwam.
Die steul toen ’t harte van dat maagien uut ’t veen.
Al dwalend dèur ’t ven, en, behekst dèur hèur stem,
dacht die jonker an Cillie, ja Cillie allien.
As sterren zo mooi. As sterren zo mooi.
Hèur ogen die straalden as sterren zo mooi.

Nieuws: Een verschiening van Cillie! (Hier klikken)

Maor dat mug ok niet baten, hij mus hèur verlaoten.
De jonker zien aolders, die waren der op tegen.
Hij kun allent maor belaoven umme terogge te komen
bij Cillie, lief Cillie, zien nimf uut ’t veen.
Doodziek en verward, umdat ’t noodlot hèur tart.
Dwaalt Cillie op een nacht in een störm deur ’t veen.
Al dwaalend dèur ’t donker röp zij umme hèur jonker.
Gien meins wet, waordèur as toen ’t maagien verdween.

Rondumheer wordt vertelt, loop ie ’s nachts hier dèur ’t veld
Spookt de geest van lief Cillie, hèur ziel viendt gien vree.
Die schim in ’t donker röp nog steeds umme hèur jonker.
As sterren zo mooi. As sterren zo mooi.
Heur ogen die straald nog, mar hèur stemme schrowt leed
As sterren zo mooi as sterren zo mooi.
Heur ogen die straalt nog as sterren zo mooi.

[To Arend Victorie’s index]