vun
Wesley Parish Ut ’t
Ingelsche
œverdragen vun Reinhard F. Hahn
– leddige daag’
vull vun tied
un all ähr väälmaals leddig verrecken,
so bitter-seer tœgsaam;
bloodrode sünnenünnergäng un all den schiet,
hitte noordwestwinnen un ieskolen rägen …
wieldes polietsche räden jüm ähr achterstävens
na ’n langtöögschen dood to achter sik her treckt,
liek as ’n hund mit ’n toschannenslane graad,
liek as leddiggahne, arbeitslose stünnen,
de di ’t blood ut ’t hart vun’t hœpen rutsuugt
– düsse dag is anners as sien vörwäser,
man bloots vunwägen de quantensnackeree –
ik bün de Arbeitslosigkeit:
keen halfwussenen düvel ut ’n middelöllernacht,
keen steen-olen kommunisten-bumann
hett us seelen jemaals so nastellt,
mit so ’n gräsigen dörst,
so ’n düvelsch pläseer
Frontpage
