vun Reinhard F. Hahn
to’t Gedinken an Agathe Lasch*
af
un to
in de still
tippt se mi an
joon lesten sekunnen
ähr ieskole krall
as dat unvörstellbare
mitmaal wissheit was
as jo joon tokumst angluup
uut verfeerde ogenhölen
in bleke, giftsugene trünen
as allens klipp un klaar daarstünn
in verrenkte läden ähr krickel-krackel
mank’n himp-hamp up de kuhlen ähr
boddens
de ogenblick twüschen begriepen un niks
as dat schrickwiersümmen to’n truurwies’ wöörd’
to’n tranenlose klag’
œver joon minschenwöörd’
joon minschenglov’
un jun minschendröm’
ähr verdarven
un œver all de leddigen wöörd’
to joon gedinken
*
Agathe Lasch was een vun de bekanntesten un fruchtbaarsten Gelehrten vun’t Neddersassische (Nedderdüütsche). 1942 keem se üm in ’n Vergasungswaggon in ’n Transport vun Berlin na’t KZ Theresienstadt.
Frontpage
