e Moffen krege ’t moelijker. In Rusland gieng het bie Stalingrad mis; het Duitse
6e leger onder von Paulus gaf zich op 2 februaorie 1943 over. In ’t zelfde
jaor op 13 meie gaeve de restanten van’t Afrika Korps zich over. De anvoerder
Rommel zat toen al wied en zied in Duitsland.
Ze begonne ’m al mà meer te kniepen voor een invasie, en ze waere benauwd dat
achter de bunkers langs de kust parachutisten en (zweef)vliegtuugen zouwe kunne
lande. Rommel begon toen ier de zaek op poôten zetten. Iedereên die nog nie
as dwangarbeider nae Duitsland was of ’evoerd of nie gedwonge in de Arbeidsdienst zat, most boamen gae kappe. De stammem wiere in de polders ezet tegen zweefvliegtuugen.
Ze krege de naem Rommelasperges. Rommel wier beschouwd as eên van de beste
Duitse veldmaarschalken. Laeter wier ’n beschuldigd dat ie in ’t complot zat
om Hitler op 20 juli 1994 te vermoôren en wier ’n edwonge om op 14 october
1944 zelfmoord te plegen.
Om op die asperges trug te komen; soms vonde ze dat nog nie genoeg. Verschillende
eilanden in de Delta wiere daorom onder waeter ezet. Zo kwam er in februaori
1944 ineêns een ende an ons eilandelijke leven. Binnen een paer daegen most
biena iedereên weg weze vanwege de inundatie.
Ik laete ’t even ierbie. ’t Vardere deêl van den oorlog zaete m’n in Yerseke,
dae vertel ik over in een apart stikje. Want over die tied, waebie m’n mit
z’n negenen van drie generaties bie mekaore epakt, in een uus vlak bie de kaoje
zaete, die in ’t naejaer van 1943 bienae elke zaeterdagmiddag ebombardeerd
wier, is enoeg te vertellen.
Frontpage
e Moffen krege ’t moelijker. In Rusland gieng het bie Stalingrad mis; het Duitse
6e leger onder von Paulus gaf zich op 2 februaorie 1943 over. In ’t zelfde
jaor op 13 meie gaeve de restanten van’t Afrika Korps zich over. De anvoerder
Rommel zat toen al wied en zied in Duitsland.
