Reinhard F. Hahn

[To Reinhard F. Hahn’s index]

Stappen in’n zaand

’n Ghazal veur Bärbel

De pad is zwaor on duuster nao dat inst vertroede laand.
De jaoren, och, de zund jao niks as stappen in’n zaand.

Aan gull’ne haarvstdaog’ wein maan nich de zommerwischen nao!
Kinnertiedsborgen zund aal laang aal wegpoest mit’n zaand.

De zei ’s ’n vrund. Zogaor de muiwen swiegt aan’n laoten straand.
Ik kiek mie um on tel jum aal, de stappen in’n zaand.

Mien zuster het er gaorn plaant guntsied dat braoke laand.
De jaoren, och, de zund jao niks as stappen in’n zaand.

Ze staait on smuustert mooi on blied’. De haarvstzun waarmt er haor.
Er bloum’n on buim, de scheit in’t kroed oet guusten geestenzaand.

Mien zuster maokt er gaornpourt op, zoetje, mit zachte haand.
De jaoren, och, de zund jao niks as stappen in’n zaand.

De nachtegaal het tirileird den heilen zommer laang.
De wepeldoorn, de aont zachs aal den vrost op masch on zaand.

Draod’ schommertied, den nacht, den ocht, den joecht de haon in’t laand.
De jaoren, och, de zund jao niks as stappen in’n zaand.

[To Reinhard F. Hahn’s index]