nicks mihr tau seihn
tweidussend un

fröcht em ein kind
wat ist ein bom
un wat’s nen vagel
un wischenblom
weit nich mal
wat ein wisch künn sien
finn’ an denn’ see
kein mümmelblatt
wat is denn dat
un blaach
sall noch de häben sien
heff ick ’n splien
dit deit mi quälen
ick will man blotsen
fautball spälen

secht em ein oll
man up denn’ karkhoff
noch ein bom
mit voegel
ünnen de wischenblom
lütt wisch so grön
ach is dat schön
un frie de wisch
noch kein beton
up ehr as disch
an’n oll’n diek
noch bäten natt
an’n äuwer wiwaagt
mümmelblatt
un ein lütt lock
let häben apen
hier kann ick mi
mit sünn noch drapen
mien jung
nu holl man
dien’n sappel

kannst em noch bieten
denn’ geen-appel

secht nu de jung
wat sall’k mi quälen
künn ick dor lütten
fautball spälen