i die sturmvloed in begin februari, wier de situaotie een spiegelbeeld van die
van 579 jaer gelee. Wae toen waeter was bleef ’t noe droag en aoresomme. Dieken
die in al die eêuwen gin waeter oefden te keren kregen er noe volop mee te
maeken en dikkels nog van de verkeerde kant ok. Vòraol de Schouwse diek, de
vroegere oôstelijke zeêdiek van Schouwen, kreeg ’t zwaer te verduren en most
op zijn steile kant noe de golfanval opvange bie sturmen uut westelijke richting.
Mi militairen, dekzeilen, perkoenpaelen en zandzakken konde m’n bie een sturm
even vò Paese de zaek net boven waeter oue.
’t Diekwaeter, waevan eigelijk nie meer van over was dan een klein geultje tussen
schorren, speelde nog één keer een kwaelijke rolle in 1953. De in de luwte
gelege dieken derlangs waere niet berekend op zò’n oage waeterstand en braeken
op verschillende plekken deur. Omdat ok an de Zuudkant van de Vierbannenpolder
de diek te leêge was, stroamde de polder van tweê kanten tegelieke vlug vol
en verdronke onderde mensen in Capelle, Nieuwerkerke en Ouwerkerke.
Langs de Braekman waere ze beter of; dae was in 1952 28 km zeêdiek veranderd
in binnendiek. D’r zeêwerende taek was net op tied overgenome deur een ofsluutdiek
van amper 2,7 km lengte.
Saeme mi de afsluuting van de Zuuderzeê,waer ik dit stikje mee begon,
bin dit wel de meêst sprekende voorbeelden van ’t groôte belang van kustverkorting.
In de jaeren trek nae de Ramp wieren de overbluufsels van middeleêuwse geulen
of’eslote, zòas ’t Diekwaeter zelf en op Tholen de Pluumpot.
Mi de ofsluuting van de Zandkreeke en ’t Veerse Gat was zòdoende de lengte
van zeêweringen in Zeêland flienk verkort. De vardere kustverkortingen vanof
de Oôsterscheldekering tot en mi de Maeslantkering brochten laeter nog veel
meer veilig’eid in de Delta.
Tegenwoordig wille ze mit ontpolderen van bievoorbeeld ’t Zwin juust d’aore
kant op gae. As je m’n verael ier bove goed elezen eit, zù je wè begriepe dat
ik dae een tegenstander van bin en van bluve.
Wie der meer over wil wete kan op eên van m’n nettestekken http://sardijngeul.googlepages.com of http://oostgat.googlepages.com terechte. Ik gae daer op ’t eên en ’t aore
dieper in.
Frontpage
i die sturmvloed in begin februari, wier de situaotie een spiegelbeeld van die
van 579 jaer gelee. Wae toen waeter was bleef ’t noe droag en aoresomme. Dieken
die in al die eêuwen gin waeter oefden te keren kregen er noe volop mee te
maeken en dikkels nog van de verkeerde kant ok. Vòraol de Schouwse diek, de
vroegere oôstelijke zeêdiek van Schouwen, kreeg ’t zwaer te verduren en most
op zijn steile kant noe de golfanval opvange bie sturmen uut westelijke richting.
Mi militairen, dekzeilen, perkoenpaelen en zandzakken konde m’n bie een sturm
even vò Paese de zaek net boven waeter oue.
