Bi Lowlands-List noch hüt väl Spraaken läwen,
dor gräunt mit Häg’ un Pläg’ uns’ Spraakenbom,
wiel mit väl Klauk un Leiw’ all’ Frünn’ dat gäwen
wat noedig wier, dat bleew nich blot ein Drom.
Still gäben Frünn’ all lang’ sick giern de Hännen.
Gah mit, vertruug den’n Lowlands groten Baas.
Wat man noch hägen kann, süll noch nich enn'n;
gifft’t männig Bangen, gifft’ männig Spaaß.
Wat mien oll’ Brägen hüt noch gäben kann,
dat gäw ick willig un tau giern von Harten
un stah as Fru för Mäkelborg den’n Mann.
Mien Dank an all’ kümmt hüt ut deipen Harten
an Lowlands-L mit sienen Baas vöran.
Bi Lowlands Freud . . . . jüst in ein Land grot Smarten.
Frontpage
