senryu

a clessroom corner:
twa deif bairns, hauns lauchin
at philosophers

leafs flitterin doun
ootside a café whaur ance
sat a freend an a

weedae braws
steys, silks, veil, shuin
aa ower the fluir

on the midnicht stair
suddent a brod minds the stramp
o some langsyne shae

skreich o day, tuim streets
doun the causey rowes a spatch
o black filigree

deif fowk in the park;
ablo a owercast sky
corbies flees, like hauns