Neddersassische (nedderdüütsche, plattdüütsche) Vertelln, Riemels un Rezepten
Low Saxon (Low German) Stories, Poems and Recipes by Clara Kramer-FreudenthalMit Ümschrift un ingelsch Översetten vun Reinhard F. Hahn
with Transliterations and English Translations by Reinhard F. HahnInföhren
Clara
Kramer-Freudenthal wöör an’n 3. Nevelmaand 1919 in Olland (dat
Olde Land) boorn. Olland is ’n landweertschupplich Rebeet, in dat tomehrst
Aaftbuurn wahnt, dat in twee düütsche Lannen liggt: Neddersassen
un Hamborg. Ofschoonst se intwüschen in annere Deeln vun Noorddüütschland
wahnt het, blifft se fast in ehr Heimaatseerd’ verwottelt, un ehr Spraak
is un blifft de Spraak vun ehr Heimaatsgemeen: de Olland-Mundaard, een
vun de nedderelvschen Mundaarden vun de neddersassische (nedderdüütsche,
plattdüütsche) Spraak.
Fro
Kramer-Freudenthal is perfekt tweesprakig in Neddersassisch un (Hooch-)
Düütsch. Se ritt sik arrig för ehr Moderspraak af, daarmit
düsse Spraak överleven kann, un daarmit so veel as mööglich
vun ehr uptekent ward. Middewiel is Fro Kramer-Freudenthal
’n Liddmaat
vun’n Verband vun Düütsche Schrieverslüüd’ worrn. As
se al över söventig Jahr old weer, füng se an Blattkolumnen,
kotte Vertellen, Riemels un ’n Book,
Ollanner
Vertelln, ruttobringen. Daarbi het se lehrt mit ’n Computer ümtogahn un is per E-Mail mit Lüüd’, de ehr Intressen deelt,
in Verbinnen treden. Een paar vun ehr Schriften sünd in’t Orginaal,
in Ümschrift un in’t Ingelsche översett an de Liddmaten vun de
E-Mail - Diskuschoons - Grupp
Lowlands-L wiedergeven worrn. Düsse
Warken wardt up düsse Sieden utstellt, daarmit Minschen in alle Welt
an jüm Vermaak finnen un wat vun jüm lehrn köönt un
daarbi ok wat vun’t Neddersassische mitkriegt, ’n westgermaansche Spraak,
de direktemang vun dat Oldsassische afstammt un nu ’n bedrohde Minnerheitsspraak
in Noorddüütschland un de oostlichen Nedderlannen is.
- Biller: 1) Clara Kramer-Freudenthal,
1997, 2) bi Fro Kramer-Freudenthal tohuus’: de Wintergaarn
Clara Kramer-Freudenthal
3. Nevelmaand 1919 – 10. Braakmaand 2005
Adjüüß, söte Seel, bit later! Un veelmaals bedankt för all de Gaven!Us leve, söte Clara schrifft nu nich mehr, man se hett ’n Barg rare Wöör achterlaten, un düsse Sieden bringt noch ’n groot Deel vun jüm un schall ehr in us Harten un Sinnen lebennig holen.
- Annere Sieden:
- Lowlands-L
Düsse Siedenserie ward vun Reinhard F. Hahn (sassisch@geocities.com) rutgeven. Alle Warken sünd rechtlich schütt un dröfft nich ahn Verlööf (101477.2611@compuserve.com) wiedergeven warrn. De Achtergrund is 'n Tackendook, dat vun Fro Kramer-Freudenthal ehr egene Hand maakt worrn is.This page series is being published by Reinhard F. Hahn (sassisch@geocities.com). All works are copyrighted and may not be distributed without permission (Clara.Kramer@t-online.de). The background is a handkerchief with lace border made by Ms. Kramer-Freudenthal’s own hand.
-
- © 1997, R. F. Hahn