Dialect of Iloilo

Could this be you? Click to help!

Listen?

Translation: Ayesha Estorque

Location: La Paz, Iloilo City (The Philippines)

Facilitation: Dante Ferry, Manila (The Philippines) • Featured Guest Contributor

Language information: [Click]

[Migrant Dialect of Mindoro]

Ang Maya

Sang una, may pugad ang maya sa isa ka gamay nga garahian. Nga ang ginikanan nga maya naglupad para magpangita’ sang ila makaon, ang mga piso’ nabilin nga nagaisahanon.

Indi’ nagdugay, ang amay nga maya nag-abot.

“Ano ang natabo’ diri?”, siling niya. “Sin-o ang namintas sa inyo, mga bata’? Ngaa nahadlok kamo?”

“Ay, Tatay,” siling nila, “may nag-abot nga sapat kagina lang. Kahaladlok, maisog kag kakululba ang iya itsura! Ginatinan-aw sang iya mga gapanglisik nga mata ang aton pugad. Nahadlok gid kami!”

“Amo ba?”, ang siling ni Tatay nga maya. “Diin siya nagkadto?”

“Didto sa punta didto siya nagkadto.”

“Maghulat kamo diri!”, siling sang amay nga maya. “Sundan ko siya. Indi’ na kamo magkabalaka, mga piso’, ako ang bahala’ sa iya.” Indi’ nagdugay, naglupad siya para sundan ang sapat.

Pagliko’ niya sa likuan, may ara’ sang liyon ang nakita’ niya nga nagalakat didto.

Pero indi’ nahadlok ang maya. naghugpa’ siya sa likod sang liyon kag nag-umpisa sang pinangakig. “Ngaa nagkadto ka sa amon pugad kag ginpanghadlok mo ang akon mga piso’?”

Wala’ siya ginsapak sang liyon nga sigi gihapon kanilakat.

Pirti na gid ang akig sang maya kag nagwinakal. Wala’ ka sang poder nga magkadto didto! Ginhambal ko gid sa imo, indi’ ka na magbalik didto kay kung indi’, may matabo’ nga malain sa imo. Indi’ ko gusto nga obrahon ini,”, siling niya, mintras ginaalsa niya ang iya nga tiil, “pero balian taka sang tul-an sang madali’ lang nga pagbalik mo didto.”

Kag naglupad na siya pakadto sa ila pugad.

“O, ara’, mga bata’, gintudluan ko na siya sang liksiyon. Indi’ na niya kamo liwat istorbohon pa.”