This page is in Mennonite Low Saxon (Plautdietsch).

Wellkom bi Lowlands-L!

Lowlands-L es eene weltwiede automatische elektroonsche List fe’ soone Lied dee aun de Sproake un Kultuare von’t läaje Laund aun de Nuad- un Oostsee Meereseewasch (hiarenn nohäa „Läaglaund“ jenant) jefaule habe. Lowlands-L woat derch Listserv bi LINGUIST bedeent. De Väasettenda es Reinhard (Ron) Hahn.

Daut Metmoake bi Lowlands-L kost’t nuscht.

Em Meddelpunkt von Lowlands-L stohne de germansche Sproake un äahre Kultua, dee en’t Läaglaund oppjekome un jebläwe send (Nadalaundsch, Seelaundsch, Fläämsch, Friessch, Nadasassisch [Nadadietsch, Plattdietsch (Plautdietsch)], Limburgsch) un uk dee, dee von dise Sproake un äahre Väajänja aufstaume doone, un aundatwäajens jebrukt woare (Afrikaans, Utwaundrasproake un vemengde Sproake, dee von läaglaundsche Sproake aufstaume, un uk Enjelsch un Schottsch.* Benna dise Theemajrenze doaf eena uk aundre Sproake un äahre Kultuare bespräakjet.

* Bitte, bemoakjt daut "Schottsch" nich de gälische Sproak bediede deit (d.h., de keltische Sproak dee en de Boajlaundschoft von Schottlaund jesproake woat), oba de germanische Sproak ut de schottsche Läaglaundschoft. Schottsch es de enjelsche Sproak sea noh, steiht oba doch apoat von Enjelsch (uk von schottisch Enjelsch).

De Hauptuutsechte von Lowlands-L

• weltwiet daut Veständje un Toopwoakje mank de Lied leichta to moake, dee aun läaglaundsche Sproake, Kultua un soone vebungne Sache Jefaule habe;

• daut Unjaseakje un Tooleahre von läaglaundsche Sproake un Kultuare mettohalpe un leichta to moake;

• sikj fe’ daut Bruke von sproakweetenschoftlichet un kulturellet läaglaundsche Material to bemeaje un em auljemeene to unjaseakje un schreftlich wiedatojäwe;

• soone Lied to unjastette, dee sikj bemeaje läaglaundsche Sproake oda Sproakforme, dee en Jefoah stohne, bietostohne, to stärkje un wiedatohalpe;

• sikj met läaglaundsche Mindaheitssproake un -kultuare auftojäwe, uk met soone dee offiziell nich jelle doone;

• aus een Saumeluat deene fe’ de Utgow von jemeensaume un unjascheedliche Eajenoate mank veschiedne läaglaundsche Sproake un Kultuare;

• Jeläajenheite beede toom Veständlichkjeit tweschen de väle läaglaundsche Sproake un Sproakeajenschofte to vebreede;

• sproakweetenschoftliche, kultuarelle un perseenliche Kontakte mank de Lied vestärkje, dee läaglaundsche Sproake bruke, oda dee von soone Lied aufstaume doone, oda met ahn befrindt send

Woo maun sikj bi Lowlands-L benähme sull

• Aule Unjahoolunge motte en jescheida, frindlicha Toon aufjehoole woare;

• Perseenliche Vetahlsels sulle privaut jehoole woare;

• De Deelnähma kjenne driest Publikatschoone, Software, Doagunge, Prograume un soowieda bekaunt moake, oba kommerzielle Woawunge woare nich tojelote;

• Waut maun bi’t Omfroage bi Lowlands-L to weete kjriggt, sull nohäa fe’ aule Lowlands-L-Deelnähmasch toopjefot’t woare, un de Help, dee maun jekjräaje haft, bekaunt jemoakt;

• To de Wohl von Sproake haft Lowlands-L kjeene besondre Räajle, oba dise läaglaundsche Sproake sulle väajetrocke woare: Afrikaans, Nadalaundsch (Hollaundsch), Seelaundsch, Fläämsch, Friessch (aule veschiedne Oate), Nadasassisch (Nadadietsch, Plautdietsch), Limburgsch, Enjelsch un Schottsch;

• Räajle un Rechtlienjes (in Enjelsch)

Bi Lowlands-L aunschlute? Klick hier!

Translator: Reuben Epp