This page is in General Limburgish.

Wilkom bie de Lowlands-L!

Lowlands-L is ein autematisse verdeillies, die euver de ganse welt contributies róndjsjik veur jederein dae geïnteresseerd is in de sjpräök en kulture van de Liege Lenj bie de kus van de Naord- en de Oesj-zie (wiejer 'Liege Lenj' geneump). Dat róndjsjikke van Lowlands-L weurt door het Listserv mesjien op LINGUIST gedaon. De eigenaer van de lies is Reinhard F. Hahn.

Ein abbenemènt kos niks.

De Lowlands-L sjtrengt zich veural aan veur de Germaonse sjpräök en voukstradisies, wie ze in de Liege Lenj veurkómme (Vlaams of Holles, Ziews, Fries, Lieg-Saksis, Limburgs) en wiejer ouch veur de sjpräök die famillie zien van de baovegeneumde (Afrikaons, Ingels, Sjots van de Sjotse liege lenj*), en ouch wie dees sjpräök wiejer laeve bie luuj die nao anger lenj verhoes zien of wiejer laeve in gemingde spräök. Veur zoewied, es het hiemit te doon haet, kènne ouch anger sjpräök en tradisies bediscussiërd waere.

* Mit Sjots weurt neet Sjots Gaelic gemeind, mer hun germaonse sjpraok die get lik op Ingels.

Woe-in de Lowlands-L zien contribusie wil lègke

• de communikasie en het samewirke gemaekeliker make veur jeder dae geïnteresseerd is in de sjpräök en vouksgebroeke van de Liege Lenj;

• het sjtiepe en de condities vaerdig make veur óngerzeuk en óngerwies euver de sjpräök en vouksgebroeke in de Liege Lenj;

• het propagaere van sjpraokkundige en voukskulturele aanwezigheite van de Liege Lenj in algemein óngerzeuk en publikasies, sjtiep te gaeve aan aksies veur besjirming en miegebroek van sjpräök en plat oet de Liege Lenj;

• aandach te gaeve aan 'Liege Lenj' sjpräök die örges in minderheid zien, erkant of neetdeens te doon es plaats woe luuj de euvereinkómste en versjille tösje de sjpräök oet de Liege Lenj kónne liere kènne;

• de mäögelikheite te gaeve luuj óngerein te laote kalle in sjpräök die versjillig zien, mer zich genóg gelieke veur dat luuj zich toch versjtaon;

• het versjterke van de benj in alle kreitse tösje luuj die ein sjpraok van de Liege Lenj kalle, hun kènjer en hun vrunj.

Ittekèt

• Alle ingesjikde stökker mote belaef en vruntelik opgesjtèld zien;

• Es-t geer get taenge emes van de lies allein wilt zègke, sjik eur berich dan direk nao dae- of dieginnige, en neet nao de ganse lies;

• Geer kènt nuujs euver publikasies, software, konferensies, sjpesjaal programme en vakatures nao de lies sjikke, zoe lank es het geine reklaam is;

• Es-t geer op eur vraog direk op eur adres interssante antwäörd krig, dan moot geer zelf ei kórt rezemeeke nao de lies sjikke, veur dat jederein wèt waat van eur vraog gekómme is;

• Geer kènt in jeder sjpraok eur berichte nao de lies sjikke, mer veer höbbe waal het leefs dat geer in het Afrikaons, het Holles, het Ziews, het Limburgs, het Frees, het Lieg-Saksis, het Ingels of in het Sjots sjrieft;

• Duuj hie veur alle regele en richliene.

• Disclaimer (in English)

Lid waere? Klik hie!