Lütt Vagel, sing’! Ick mag di lieden,
mit Wulken danzen, Wind mitrieden.
Dien hochwarts Fleigen dücht so licht.
Nah Swäben Sehnsucht in mi stiggt.
Blot drömen kann ick hier von wieden.

Ick möt mi oft hier ünn’ so strieden.
Ierd’ höllt mi fast för alle Tieden.
Ach, harr’ ick ok ein Fedderflücht!
   Lütt Vagel, sing’! ...

Will likers nienich foppen brüden,
man läben kann ick ok hier sieden,
weit alltied klor mien eigen Richt,
un fläut’st mi säut vör’t Finster dicht,
so lacht mi Freud von alle Sieden.
   Lütt Vagel, sing’! ...