Chabacano Caviteño
Spanish Creole of Cavite, The Philippines

Listen to this translation (with native pronunciation): narrated by Jocelyn Picache-de la Rosa:

[Download mp3]

Listen to this translation (with native pronunciation) narrated by Nyora Purificacion (Puring) Ballesteros:

[Download mp3]

Translation: Jocelyn Picache-de la Rosa
(Curator/Librarian of Cavite City Library & Museum)

Narration: Jocelyn Picache-de la Rosa (San Roque pronunciation); Nyora Purificacion (Puring) Ballesteros (pronunciation between the San Roque and Caridad types)

Location: Cavite City, Cavite, Philippines

Facilitation: Dante Ferry • Featured Guest Contributor

Language information: [Click]

El Pipit

Di aquel, tieni maya pipit qui ta haci pugad na un garaje. Parejo ya ya pudi bula el mayores pajaro – para saca cumida para el mga inakay – poresu ya deja solu cun ilos.

No ya talda, ya ritira el Tata Pipit.

“Cosa ya pasa aqui?” ya habla eli. “Quien ya gulpia cun ustedi, mga hiju? Miedung miedu ustedi todu!”

“Naku Papa,” ya habla ilos, “tieni ya lliga malignu ahora hora numas. Cara’y bruscu y pang-miedu! Ya haci aldi ojus niso pugad. Miedung miedu niso!”

“A, ansina,” ya habla el Tata Pipit, “donde eli ya anda?”

“E alia na banda alia eli ya anda,” ya habla ilos.

Click to help! · Armăneashce? · ¿Asturianu? · Bourguignon? · Corsu? · Fá d’Ambô? · Forro? · Kreyol Lwiziyen? · Ladin? · ¿Llionés? · Lumbaart? · Lunguyê? · Mirandese? · Молдовеняскэ? · Nnapulitano?

· No ling? · Normaund? · Papiá Kristang? · Patuá? · Picard? · Poetevin-   séntunjhae? · Québécois? · Seselwa? · Sèrtchais? · Sicilianu? · Vlaheshte? · ¿Yanito?

“Espira ustedi!” ya habla el Tata Pipit, “di anda segundo yo cun eli. No ustedi culda nada, mga hiju. Pobri eli cunmigu.” Y ya bula ya eli para anda segundo cun el maligno. Na tieni birada, aquel leon pala el qui ta camina alia.

No aquel ya dale miedu cun el pipit. Ya baja eli na detras del leon y ya umpisa regaña cun esti. “Cosa derecho di tu anda na mi casa,” ya habla eli, “y ya asi miedu pa tu cun mi mga hiju?”

No ya asi casu cun eli el leon y ya continua di camina.

Ya irita el pipit y mas pior ya regaña cun eli. “Ta habla numas yo cun tu, nuay tu derecho anda alia! Y si di rivulvi tu,” ya habla, “di mira tu! No quieri sana yo haci esti,” ya habla eli mientras ya haci subi el un pies, “pero di quebra yo tu espinazo por medio de mi pies na un segundo numas!”

Y ya bula ya eli para retira na su pugad.

“O talli, mga hiju,” ya habla eli, “ya dale yo leccion cun eli. No mas eli di rivulvi.”