Asi’ (Bantoanon)

Could this be you? Click to help!

Listen?

Translation: Athem Fadera-Fabula

Location: Banton, Romblon, Philippines

Facilitation: Dante Ferry • Featured Guest Contributor

Language information: [Click]

Kag Pispis

It kato, inggwa it pugar kag pispis sa osang maisot nak garahian. Tong kag mga maguyang nak Pispis ay nagyupar-ey para maghanap it pagkaon, katong mga Pispis ay nabilin nak sinra yang.

Uya’ narugay kag tatay nak Pispis nag-abotey.

“Nio ka nangyari rili? Sio kag nagpanghapros sa inro asing kamo ay nagkakahadlok?”

“Oh, Tatay, inggwa it nag-abot nak mamaw it kuman. Kahahadlok, kaisog ag nakakabigla’ kag ida uda. Ingmumuyatan it kag ida matayom nak mga mata kag ato’ pugar. Kada’ nahadlok kami!”

“Nak imaw?” siling ni Tatay Pispis, “riin sida gipaagto?”

“Ruto sa banda rutoo sida nipaagto.”

“Huyat kamo rili,” siling ni Tatay Pispis, “asunran nako’ sida. Aya’ kamo di’ kalibog mga pispis, ako it bahala’ sa ida.” Uya’ di’ rugay nagyupar sida para sunran tong mamaw.

Pagliko’ nida sa kanto, osang liyon kag ida nakita’ nak nagpapanaw ruto.

Pero uya’ nahadlok kag Pispis. Nag-apon sida sa likor it kag liyon ag nag-umpisang bisar-an kali. “Asing nagdayo ka sa amo’ pugar ag hadlokon kag ako’ mga pispis?”

Uya’ sida di’ pansina it kag liyon ag sige pa gihapon sa ida pagpanaw.

Lalong nahangit kag Pispis ag lalong nagpakabisaya. “Uya’ ka karapatan nak magpaagto ruto. Ingsisiling ka pa nako’ nak ayaey nak gador gibalik ruto dahil ‘pag indi’ ay inggwa it mayaing mahihinabo’ sa imo. Buko’ nako’ gustong humanon kali,” siling ni Pispis, habang ingtataas kag ida siki, “pero abalian ka nako’ it bukog sa osang saglit yang ’pag nagpaagto ka pa ruto.”

Pagkatapos it kato nagyupar nak pabalik kag tatay nak Pispis sa pugar nida.

“Oh, badyangey mga anak, ingtudluan nako’ sida it leksyon. Indiey kamo di’ gambalaon pa nida.”